Araşdırma: BMW sürücüləri yol hərəkəti qaydalarını ən çox pozanlar arasında ilk yerdədir
Yeni araşdırmaya əsasən, BMW markalı avtomobillərin sürücüləri yol-nəqliyyat hadisələri və qayda pozuntularının sayına görə ilk sırada qərarlaşıblar.
Crossmedia.az xəbər verir ki, "Autoblog" bu barədə məlumat yayıb.
Araşdırma 30 məşhur avtomobil markasının sürücülərini əhatə edib. Qiymətləndirmə zamanı yol qəzaları, sürət həddinin aşılması, sərxoş vəziyyətdə avtomobil idarə edilməsi və digər yol hərəkəti qaydalarının pozulması halları nəzərə alınıb.
Nəticələrə görə, BMW sürücüləri hər 1000 nəfərə 44,9 insident göstəricisi ilə siyahıya başçılıq ediblər. Onları RAM markasının sürücüləri 44,7, Tesla sürücüləri isə 42,8 göstərici ilə izləyiblər.
Araşdırma müəllifləri hesab edirlər ki, yüksək gücə və sürətli sürətlənməyə malik avtomobillər, eləcə də bəzi markaların formalaşdırdığı imic daha aqressiv sürücülük tərzinə meylli şəxsləri cəlb edə bilər.
Bununla belə, araşdırmada vurğulanır ki, nəticələr bütün BMW və ya digər markaların sürücülərinə şamil edilmir və yalnız statistik göstəricilərə əsaslanır.
00:36 20.07.2026
Oxunuş sayı: 80
