Tayvan ABŞ texnologiyası ilə Çinə qarşı dron qalxanı qurur
Tayvan Çin Hərbi Dəniz Qüvvələri və Sahil Mühafizəsinin artan fəallığını məhdudlaşdırmaq məqsədilə donanmasını geniş şəkildə yeniləməyə başlayıb.
Crossmedia.az bu barədə xarici mediaya istinadən xəbər verir.
Məlumata görə, ada ABŞ-nin müdafiə şirkətlərindən biri ilə bağladığı müqavilə çərçivəsində 25 suüstü və 2 sualtı pilotsuz aparat əldə edəcək.
Bu satınalma Tayvanın fəal şəkildə təşviq etdiyi asimmetrik müdafiə strategiyasının mühüm hissəsi hesab olunur. Bu tədbirlərin əsas məqsədi məhdud resurslardan istifadə etməklə bölgədə Çinin mümkün fəaliyyətləri qarşısında effektiv maneələr yaratmaqdır.
Hərbi ekspertlər bildirirlər ki, potensial rəqibi etibarlı şəkildə çəkindirmək üçün Tayvana bir neçə onlarla deyil, yüzlərlə belə robotlaşdırılmış sistem tələb oluna bilər.
23:27 18.07.2026
Oxunuş sayı: 87
