Xarici xəbərlər

İran İordaniya ordusunu ABŞ qüvvələrinə qarşı çıxmağa çağırıb

İranın İslam İnqilabı Keşikçiləri Korpusu (İİKK) İordaniyadakı ABŞ-nin "Əl-Əzraq" aviabazasına raket və pilotsuz uçuş aparatları ilə zərbə endirdiyini açıqlayıb. Qurum eyni zamanda İordaniya Silahlı Qüvvələrini ölkə ərazisində yerləşən ABŞ hərbçilərinə qarşı əməliyyat keçirməyə çağırıb.

Crossmedia.az xəbər verir ki, "Al Jazeera" bu barədə məlumat yayıb.

Məlumata görə, İİKK hücumun hədəfinin qırıcı təyyarələrin yerləşdiyi anqarlar və hərbi aviasiya dayanacağı olduğunu bildirib.

İran tərəfi iddia edib ki, zərbə nəticəsində ABŞ-yə məxsus azı iki qırıcı təyyarə məhv edilib, daha bir neçə təyyarəyə isə ciddi ziyan dəyib.

İİKK bəyanatında həmçinin İordaniya Silahlı Qüvvələrini ABŞ hərbi kontingentinə qarşı zərbələr endirməyə çağıraraq, ölkədə yerləşən ABŞ hərbçilərinin "qanuni hədəf" olduğunu iddia edib.

🖨 Çap et

15:48 18.07.2026

Oxunuş sayı: 69