Xarici xəbərlər

Tramp Si Cinpini payızda Ağ evdə qəbul etməyi planlaşdırır

ABŞ Prezidenti Donald Tramp Çin Prezidenti Si Cinpini bu payız Ağ evdə qəbul etməyi planlaşdırır. Bu, Vaşinqtonun Pekini ABŞ seçkilərinə müdaxilədə ittiham etməsinə baxmayaraq gündəmdə qalır.

Crossmedia.az xəbər verir ki, "TASS" bu barədə Ağ evin baş mətbuat katibinin müavini Anna Kelliyə istinadən məlumat yayıb.

Anna Kelli bildirib ki, Donald Tramp Çin lideri Si Cinpinin cavab səfəri çərçivəsində payız aylarında Ağ evdə qəbul olunacağını gözləyir.

Xatırladaq ki, Tramp iyulun 16-da amerikalılara televiziya müraciətində Çinin, o cümlədən 2020-ci il seçkiləri zamanı ABŞ-nin seçki proseslərinə genişmiqyaslı təsir göstərməyə cəhd etdiyini iddia etmişdi.

ABŞ Prezidenti həmçinin bəyan edib ki, "dərin dövlət" adlandırdığı strukturlar xarici müdaxilənin miqyası ilə bağlı məlumatları həm Vaşinqton administrasiyasından, həm də ictimaiyyətdən gizlədib.

Çin tərəfi isə bu iddialarla bağlı hələlik rəsmi açıqlama verməyib.

🖨 Çap et

12:18 18.07.2026

Oxunuş sayı: 65