Suriya–ABŞ enerji razılaşması: Koniko yatağı yenidən işə salınır
Suriya hökuməti ötən həftə nəzarətə götürülən Koniko qaz yatağının bərpası və istismarı məqsədilə ABŞ-nin "ConocoPhillips" şirkəti ilə rəsmi müqavilə imzalayıb.
Crossmedia.az xarici KİV-ə istinadən xəbər verir.
Məlumata görə, razılaşma çərçivəsində Suriya obyektlə bağlı bütün texniki və əməliyyat məlumatlarını ABŞ şirkətinə təqdim edib.
Müqaviləyə əsasən, Koniko qaz yatağı tam şəkildə "ConocoPhillips" tərəfindən idarə və istismar olunacaq.
Razılaşmada gəlirlərin paylaşılması mexanizmi də müəyyən edilib.
ABŞ şirkətinin əldə edəcəyi gəlirlərdən Suriyaya əlavə vergi ödənişləri həyata keçiriləcək. Bununla yanaşı, tərəflər qaz hasilatından əldə olunacaq gəlirlərin bölüşdürülməsi ilə bağlı konkret şərtlər üzərində razılığa gəliblər.
19:31 26.01.2026
Oxunuş sayı: 379
