ABŞ administrasiyasının kəşfiyyat məlumatlarına əsasən, ABŞ İsrailin dəstəyi ilə İranda son etirazlar zamanı etirazçıların kütləvi şəkildə öldürülməsində iştirak edən rejim rəsmilərinin xüsusi siyahısını tərtib edir.
Bu barədə Crossmedia.az xarici KİV-ə istinadən xəbər verir.
Məlumatlara görə, etirazların yatırılması zamanı ölənlərin sayı təxminən 20 min nəfərə çata bilər. Qurbanların əksəriyyəti mülki şəxslər və etirazçılar olub.
Kəşfiyyat məlumatları göstərir ki, yüzlərlə insan məhkəməsiz güllələnib və ya asılıb. İsrail mənbələri bildirir ki, bu məlumatın Vaşinqtonun hərbi cavabına səbəb olub-olmayacağı hələ məlum deyil, lakin ABŞ-ın etirazçılara verdiyi dəstəyi nəzərə alaraq baş verənləri görməzdən gələ bilməyəcəyi vurğulanır.
