ABŞ-nin vitse-prezidenti Di Cey Vens bildirib ki, ölkənin İran yaxınlığındakı hərbi mövcudluğu mümkün risklərə qarşı çoxsaylı cavab variantlarını təmin etmək məqsədi daşıyır.
Crossmedia.az bu barədə xarici mediaya istinadən xəbər verir.
Vensin sözlərinə görə, regionda yerləşdirilən Amerika qüvvələri və hərbi personal potensial təhlükə ilə üz-üzə qala bilər və bu səbəbdən qabaqlayıcı hazırlıqların aparılması zəruri hesab olunur.
O qeyd edib ki, Prezident Donald Tramp İranın hər hansı aqressiv və ya düşünülməmiş addımı halında ABŞ-nin tez və effektiv reaksiya verə biləcək resurslara malik olmasına xüsusi önəm verir.
ABŞ rəsmisi vurğulayıb ki, regiondakı hərbi mövcudluğun məqsədi gərginliyi artırmaq deyil, mümkün təhlükələrin qarşısını almaq və Vaşinqtonun manevr imkanlarını qorumaqdır.
