Xarici xəbərlər
Fidan: İran siyasətdə dəyişiklik etməlidir
İran müəyyən imkanlardan faydalanmaq üçün xarici siyasətini və təhlükəsizlik siyasətinin bəzi aspektlərini yenidən nəzərdən keçirməlidir.
Crossmedia.az xəbər verir ki, bunları Türkiyənin xarici işlər naziri Hakan Fidan Davosa səfəri çərçivəsində “Op the Record” nəşrinin jurnalisti Qembleyə müsahibəsində deyib.
Nazirə ABŞ-nin İrana mümkün müdaxiləsi ilə bağlı sual ünvanlandıqda, o, Vaşinqtona bu addımdan çəkinməyi tövsiyə etdiyini bildirib:
“Amerikalı dostlarıma bunu etməməyi məsləhət görürəm. Çünki onlar artıq İrana həddindən artıq təzyiq göstərirlər. Sanksiyalar İran iqtisadiyyatına ciddi zərbə vurur”.
Hakan Fidan İranda baş verən etirazlara da toxunaraq bildirib ki, bu proseslərdən kənar qüvvələrin gözlədiyi nəticələr çıxmaya bilər. Onun sözlərinə görə, etirazlar realdır və insanların tələbləri mövcuddur:
“Bu insanların ehtiyacları və istəkləri nəzərə alınmalıdır. Bizim tövsiyə etdiyimiz mövqe də məhz budur”.
Fidan əlavə edib ki, ABŞ ilə İran arasında nüvə məsələsi üzrə razılığa gəlmək mümkündür. Lakin hazırkı mərhələdə Vaşinqtonun nüvə problemi ilə yanaşı, digər məsələləri də gündəmə gətirməsi danışıqları çətinləşdirir.
11:03 24.01.2026
Oxunuş sayı: 620
