Hadisə
Neftçalada erkən nikahın qarşısı alınıb
Oktyabrın 24-də rayon ərazisində yerləşən şadlıq saraylarının birində 29 yaşlı şəxslə nikah yaşına çatmayan qızın planlaşdırılan toy mərasimi barədə polisə məlumat daxil olub.
Bu barədə Crossmedia.az-a DİN-in Mətbuat Xidmətinin Şirvan regional qrupundan məlumat verilib.
Tərəflərin valideynləri polis şöbəsinə dəvət olunaraq onlarla profilaktik və izahedici söhbətlər aparılıb, qanunvericiliyin tələbləri izah olunub.
Qanunvericiliyə uyğun olaraq mərasimin təşkil edildiyi şadlıq evinin sahibi barəsində isə inzibati tənbeh tədbiri tətbiq olunub.
20:35 24.10.2025
Oxunuş sayı: 1048
