Biz xalqı gələcək dövlətə hazırlayırıq - ‘’İnquş Müstəqilliyi Komitəsinin’’ rəhbəri
“İnquş Müstəqilliyi Komitəsi”nin rəhbəri Ansar Qarkxo bildirib ki, təşkilatın əsas məqsədi müstəqil İnquş dövləti yaratmağa hazırlıqdır. Bu barədə Crossmedia.az xarici mənbəyə istinadən xəbər verir.
“Biz gələcək İnquşetiyanın təməlini qoymağa çalışırıq və bunun üçün əlimizdən gələni edirik. Beynəlxalq arenada müstəqillik uğrunda çalışan inquşların maraqlarını təmsil edirik, respublika daxilində isə insanlara Rusiya Federasiyasının mümkün dağılması anında nə etmək lazım olduğunu izah edirik”, — deyə o qeyd edib.
Qarkxonun sözlərinə görə, tarixi təcrübə göstərir ki, bu cür sistemli dövlətlər orta hesabla hər 60–70 ildən bir dağılır və Rusiya da istisna deyil: “Biz yeni mərhələnin yaxınlaşdığını görürük. Buna hazır olmaq lazımdır. Bizim vəzifəmiz bütün dünyaya çatdırmaqdır ki, inquş xalqı müstəqilliyə can atır”.
Sevinc Yarməmmədova
03:30 01.10.2025
Oxunuş sayı: 1028
