Lənkəranda dağlıq ərazidə yanğın olub
Lənkəranda dağlıq ərazidə yanğın baş verib.
Crossmedia.az xəbər verir ki, yanğın hadisəsi Lənkəran
rayonunun ucqar dağ kəndi olan Gərgiranda, açıq sahədə qeydə alınıb. Yanğının
Hirkan Milli Parkının ərazisinə də keçdiyi bildirilir.
Əraziyə FHN-nin Lənkəran yanğından mühafizə hissəsinin
texnikaları və şəxsi heyəti cəlb olunub. Yanğın lokallaşdırılıb, alov nəzarətə
alınıb.
FHN-dən APA-nın sorğusuna cavab olaraq bildirilib ki, mürəkkəb
relyefli dağlıq ərazidə baş vermiş yanğın genişlənməsinə imkan verilmədən
söndürülüb.
Yanğın nəticəsində kənd bələdiyyəsinə məxsus 2 ha sahədə, eləcə
də Hirkan Milli Parkında 200 kv.m. sahədə quru ot və kol-kos yanıb.
18:22 02.09.2025
Oxunuş sayı: 821
