Xocavənddə doğmalarının məzarını ziyarət edən şəxs yanğına səbəb olub
Avqustun 8-də Xocavənd rayonunun Əmirallar
kəndi ərazisindəki qəbiristanlıqda yanğın törədən şəxs polis əməkdaşları
tərəfindən müəyyən edilib.
Crossmedia.az xəbər verir ki, bu barədə DİN
Mətbuat Xidməti məlumat yayıb.
Məlumata görə, araşdırmalarla yanğının rayon
sakini, 1990-cı il təvəllüdlü Səxavət Məmmədov tərəfindən qəbiristanlıqda
doğmalarının məzarını ziyarət edərkən odla ehtiyatsız davranması nəticəsində
baş verdiyi müəyyən edilib.
Hadisə nəticəsində təxminən 5 hektar sahədə
kol-kos yanıb və bir neçə məzara ziyan dəyib.
S.Məmmədov məsuliyyətə cəlb olunub.
FHN və DİN bir daha diqqətə çatdırıb ki,
açıq ərazilərdə ocaq qalamaq və ya tüstülənməyə səbəb ola biləcək hərəkətlərə
yol vermək, xüsusən yay mövsümündə ciddi ekoloji və təhlükəsizlik riskləri
yaradır. Bir anlıq məsuliyyətsizlik hektarlarla sahəni məhv edə, təbiətə, kənd
təsərrüfatına və insanlara böyük ziyan vura bilər. Vətəndaşlar bu hallara səbəb
olacaq əməllərdən çəkinməli, təhlükəsizlik qaydalarına əməl etməlidir.
22:51 08.08.2025
Oxunuş sayı: 1024
