Nazirlik: Arif Babayev milli musiqi sənətinin inkişafında böyük xidmətlər göstərib
Mədəniyyət
Nazirliyi Xalq artisti, muğam sənətinin görkəmli nümayəndəsi Arif Babayevin
ölümü ilə bağlı nekroloq yayıb.
Crossmedia.az
xəbər verir ki, nekroloqda deyilir:
"Azərbaycan
mədəniyyətinə ağır itki üz vermişdir. Xalq artisti, muğam sənətinin görkəmli
nümayəndəsi Arif Babayev vəfat etmişdir.
Arif
Babayev uzun illər ərzində milli musiqi sənətimizin inkişafında, muğam məktəbinin
qorunub saxlanılmasında və yeni nəsil ifaçıların yetişdirilməsində böyük xidmətlər
göstərmişdir. Onun zəngin yaradıcılığı, pedaqoji fəaliyyəti və sənətə verdiyi
töhfələr xalqımızın mədəni irsində daim yaşayacaqdır.
Azərbaycan
Respublikası Mədəniyyət Nazirliyi mərhum sənətkarın ailəsinə, yaxınlarına və
bütün mədəniyyət ictimaiyyətinə dərin hüznlə başsağlığı verir.
Allah
rəhmət eləsin!".
09:42 01.08.2025
Oxunuş sayı: 1092
