Özgəsinə məxsus sənədlə dövlət sərhədindən keçməyə cəhd göstərən şəxs saxlanılıb
Dövlət sərhədinin еtibarlı mühafizəsinin təmin olunması və qanunsuz miqrasiyaya qarşı mübarizə tədbirləri uğurla davam еtdirilir.
Bu barədə Crossmedia.az Dövlət Sərhəd Xidmətinin (DSX) mətbuat mərkəzinə istinadən məlumat verir.
Bildirlib ki, mayın 30-da DSX-nin Sərhəd Nəzarəti əməkdaşlarının sayıqlığı və peşəkarlığı nəticəsində Heydər Əliyev Beynəlxalq Hava Limanında Küveyt-Bakı reysi ilə Azərbaycana gələn və özünü Malayziya vətəndaşı Satyaselan Vijiyan kimi təqdim edən şəxsin sənədlərinə baxış zamanı pasportun özgəsinə məxsus olması şübhəsi yaranıb. Bu səbəbdən o, sərhədçilər tərəfindən saxlanılıb.
Araşdırma zamanı saxlanılan şəxsin Şri-Lanka vətəndaşı, 1994-cü il təvəllüdlü Savuthararajan Kasvithan olduğu müəyyən edilib.
Hazırda fakt üzrə cinayət işi başlanılaraq müvafiq əməliyyat-istintaq tədbirləri davam etdirilir.
18:00 02.06.2025
Oxunuş sayı: 959
