Memarlıq və dizayn sahəsinin öncül şəxsləri forumda bir araya gəlib
Bakı Konqres Mərkəzində “InVision Design Talks & Visionary Design” Forumu keçirilib.
Crossmedia.az xəbər verir ki, İlk çıxışı edən Zivella şirkətinin sədri Abdurrahman Uzun “InVision Design Talks & Visionary Design” forumunda tədbirin əhəmiyyətindən danışıb. O bildirib ki, Bakı təkcə şəhər deyil, ortaq tarix və mədəniyyətin simvoludur. Uzun tədbirdə dizaynın həyatları dəyişdirən gücünə inandıqlarını vurğulayıb. Bildirib ki, Türkiyə və Azərbaycandan dəyərli mütəxəssislərin bir araya gəlməsi yeni başlanğıcın işarəsidir və yaxın coğrafiyada təsiri olacaq bir vizyonun inkişafı üçün əhəmiyyətlidir. O, həmçinin qeyd edib ki, tədbir memarlıq və dizayn sahəsində platforma yaratmaq məqsədini daşıyır və bu ilk addım gələcəkdə digər ölkələrdə keçiriləcək görüşlərin əsasını qoyacaq. Abdurrahman Uzun tədbirin Bakıda keçirilməsindən qürur duyduğunu bildirib və iştirakçılara təşəkkürünü çatdırıb.
Tədbirin moderatoru, Gənc Memarlar və Tələbələr Klubunun prezidenti və Azərbaycan Memarlar İttifaqının (AMI) rəhbəri Şeyda Novruzzadə olub.
Tədbirdə İstanbul mərkəzli Designist daxili memarlıq ofisinin təsisçisi və rəhbəri Aslı Arkan Dayıoğlu, Gönye Tasarımın təsisçi ortağı və daxili memarı Gönül Ardal, Gönye Tasarımın təsisçi ortaq və daxili memarı Yelin Evcen, Özcan, Aslı Architecture ofisinin İcraçı memarı Hüseyin Tonguç Özcan, PMD Projects şirkətinin İcraçı direktoru və Design Bureau Az şirkətinin İcraçı direktoru Fizuli Alıyev, Mebellər şirkətinin Tasarım Direktoru Selami Gündüzeri və Manarch Studio şirkətinin təsisçisi və baş memarı İlqar Manafsoy çıxış ediblər.
Tədbirdə çıxış edənlər qonaqları səmimi şəkildə salamlayıb. Onlar Bakını yalnız şəhər deyil, ortaq tarix, mədəniyyət və qardaşlığın təcəssümü kimi qiymətləndirdiklərini vurğuladılar. Təxminən iyirmi ildir bu torpaqlarda ofis mebeli sahəsində yalnız məhsul deyil, eyni zamanda bir həyat tərzi təqdim etməyə çalışdıqlarını bildirdilər.
Bu tədbirin həyata keçirilən ortaq fəaliyyət olduğunu, iki markanın ortaq vizyonunun güclü əks olunması olduğunu qeyd etdilər. Dizaynın həyatımızı dəyişdirən gücünə ürəkdən inandıqlarını bildirərək, yalnız danışmaq yox, həm də dinləmək, ilham almaq və birlikdə düşünmək istədiklərini qeyd etdilər.
Türkiyə və Azərbaycan kimi iki qardaş ölkədən bu dəyərli simaların bir araya gəlməsinin yeni başlanğıcın işarəsi olduğunu, bu platformanın təkcə Bakı üçün deyil, yaxın regionda da təsir göstərəcəyinə ümid etdiklərini bildirdilər. Tədbir çərçivəsində memarlıq və dizayn sahələrini birləşdirən yeni bir platformanın yaradılmasının məqsəd qoyulduğunu, burada atılan ilk addımın gələcəkdə müxtəlif ölkələrdə keçiriləcək görüşlər üçün zəmin olacağını vurğuladılar.
Tədbirin ilk dəfə Bakıda keçirilməsindən böyük qürur duyduqlarını və iştirakçılara təşəkkür edərək, proqramın gözəl və faydalı keçməsini arzu etdilər.
Tədbirdə çıxış edən mütəxəssislər müxtəlif layihələrin təqdimatını edərək iştirakçıları maraq doğuran məqamlarla ətraflı şəkildə tanış etdilər. Onlar hər layihənin ideyası, məqsədi və tətbiq sahələri haqqında geniş məlumat verərək, memarlıq və dizayn sahəsində yenilikçi yanaşmaları və müasir trendləri paylaşdılar. Təqdimatlar zamanı iştirakçılar həm texniki, həm də estetik baxımdan mühüm detallarla bağlı məlumatlandırıldı, eyni zamanda mövzu ətrafında fikir mübadiləsi üçün imkan yaradıldı. Bu, tədbirin interaktivliyini artırmaqla yanaşı, iştirakçılar üçün həm də maarifləndirici platforma rolunu oynadı.
Fatimə Nəbiyeva
Xumar Emilqızı
16:23 30.05.2025
Oxunuş sayı: 1450
