MEK-də Ümummilli Lider Heydər Əliyevin anadan olmasının 102-ci ildönümünə həsr olunmuş sərgi keçirilir
Azərbaycan Milli Elmlər Akademiyasının Mərkəzi Elmi Kitabxanasında (MEK) Ümummilli Lider Heydər Əliyevin anadan olmasının 102-ci ildönümü münasibətilə ənənəvi və virtual sərgi təşkil edilib.
Crossmedia.az xəbər verir ki, sərgidə Ulu Öndərin zəngin siyasi irsini əks etdirən “Heydər Əliyev siyasəti: tarix və müasirlik”, “Heydər Əliyev: Şəxsiyyətin miqyası və missiyası”, “Müdrikliyin zirvəsi”, “Bir taledə iki ömür (Xatirələr və düşüncələr)”, “Millətin atası”, “Heydər Əliyev ideyaları əbədiyaşardır”, “Heydər Əliyev: Dövlət xalq üçündür”, “Ulu Öndər” üç cilddə, “Heydər Əliyev: dünya sivilizasiyasında elit şəxsiyyət”, “Heydər Əliyevin böyük siyasət yolu”, “Heydər Əliyev. Müstəqilliyimiz əbədidir”, “Heydər Əliyev. Biblioqrafiya”, “Ömrün otuz ili”, “Azərbaycan dövlətçiliyinin qoşa qanadı”, “Heydər Əliyevin kitabxanalarda tətbiqi və təbliği”, “Heydər Əliyev və Azərbaycan incəsənəti”, “100 ilin imzası”, “Müstəqil vətənin memarı” və digər nəşrlər nümayiş olunur.
Bu nəşrlərdə Ümummilli Lider Heydər Əliyevin mənalı və keşməkeşli ömür yolu, dövlətçilik fəlsəfəsi, azərbaycançılıq ideologiyasının formalaşmasındakı rolu, eləcə də elm, təhsil, ədəbiyyat və mədəniyyətin inkişafına verdiyi töhfələr geniş şəkildə əks olunub, Ulu Öndərin dünya siyasi arenasındakı mövqeyi və müasir dövrdəki əhəmiyyəti elmi əsaslarla təqdim edilib.
Qeyd edək ki, MEK-in Sərgi Salonunda Ulu Öndər Heydər Əliyevin, eləcə də Prezident İlham Əliyevin həyat və siyasi fəaliyyətlərini əks etdirən daimi sərgilər nümayiş olunur.
Bundan əlavə, tədqiqatçılar Heydər Əliyev irsini daha dərindən öyrənmək məqsədilə MEK-də fəaliyyət göstərən və dəyərli nəşrləri özündə cəmləşdirən “Heydər Əliyev və Azərbaycan dövlətçiliyi” şöbəsinə müraciət edə bilərlər.
Qeyd edək ki, ənənəvi ilə yanaşı, virtual (https://heyzine.com/flip-book/5751653f20.html) sərgi də oxuculara təqdim olunub.
12:04 08.05.2025
Oxunuş sayı: 785
