“Boranı”da müştərilərə qadağa qoyulub? - Restorandan AÇIQLAMA
Sosial şəbəkələrdə yayılan görüntülərlə bağlı “Boranı” restoranı açıqlama verib.
Belə ki, Crossmedia.az-ın sorğusuna cavab olaraq restorandan bildirilib ki, məkanlara tək girişlə bağlı hər hansı məhdudiyyət mövcud deyil:
"Qonaqlarımız istər tək, istərsə də ailə üzvləri və yaxınları ilə birlikdə filiallarımıza hər zaman buyura bilərlər.
Haqqımızda yayılan bu məlumat yanlış informasiyadır. Qeyd olunan vaxtda Neftçilər filialımızda sıxlıq müşahidə olunduğundan canlı növbə tətbiq edilib və qonağa boş masa yarandıqda əyləşdiriləcəyi bildirilib".
10:05
Sosial şəbəkələrdə “Boranı” restoranının Neftçilər filialı ilə bağlı görüntülər yayılıb.
Crossmedia.az xəbər verir ki, videoda bir müştəri restorana tək daxil olmaq istədiyini, lakin əməkdaşların ona xidmətlərdən istifadə etmək üçün ən azı 3-4 nəfər olmalı olduqlarını bildirdiklərini iddia edir.
Maraqlısı budur ki, kadrlarda iki nəfərin restorana daxil olmasına icazə verilmədiyi də əks olunub.
Restoranın qapısından içəri daxil olmaq üçün müştərinin yanında neçə nəfərin olmasının tələb edilməsi adi xidmət şərtindən daha çox, istehlakçının seçim imkanını məhdudlaşdıran yanaşma təsiri bağışlayır.
Ola bilər ki, restoranın masa tutumundan səmərəli istifadə etmək, sifarişlərin müəyyən minimum məbləğə çatmasını təmin etmək, müştəri dövriyyəsini artırmaq və ya qrup şəklində gələn qonaqlara üstünlük vermək kimi kommersiya maraqları dayana bilər. Lakin bu sadalananların heç biri müştərilərə belə qayda qoyulmasına haqq qazandırmır.
Digər tərəfdən, belə hallar istehlakçılarda ayrı-seçkilik hissi yarada, restoranın müştəriyönümlü imicinə xələl gətirə bilər. Müştəri seçim azadlığına malikdir, hansı restorana gedəcəyinə, kiminlə gedəcəyinə və nə qədər sifariş verəcəyinə özü qərar verir.
Təbii ki, müəssisənin də fəaliyyətini təşkil etmək və qanuni xidmət şərtləri müəyyənləşdirmək hüququ var. Ancaq bu şərtlər aydın, əvvəlcədən elan edilmiş və istehlakçıların hüquqlarını pozmayan formada olmalıdır.
Məsələni araşdırmağa davam edirik.
11:20 16.11.2026
Oxunuş sayı: 397