Rusiyada kamikadze dronu mülki avtomobili vurub: 4 yaralı var
Rusiyanın Bryansk vilayətində pilotsuz uçuş aparatlarının hücumları nəticəsində dörd nəfər xəsarət alıb.
Crossmedia.az xəbər verir ki, bu barədə vilayətin qubernatoru Yeqor Kovalçuk Teleqram kanalında məlumat verib.
Onun sözlərinə görə, Pervomayskoye kəndində kamikadze dronu mülki avtomobili hədəf alıb. Hücum nəticəsində avtomobilin 37 yaşlı sürücüsü, eləcə də 63 və 40 yaşlı iki qadın sərnişin yaralanıb.
Bundan başqa, Dareyevsk kəndində pilotsuz uçuş aparatının hücumu nəticəsində 76 yaşlı kişi xəsarət alıb.
Qeyd edək ki, noyabrın 15-nə keçən gecə Rusiyanın Nijnekamsk şəhəri də PUA hücumuna məruz qalıb. Hücum nəticəsində sənaye zonasında yerləşən obyektlərə və çoxmərtəbəli yaşayış binasına ziyan dəyib, altı nəfər yaralanıb.
Rostov vilayətinin Taqanroq şəhərində isə dron hücumları nəticəsində elektrik yarımstansiyasının baş mühəndisi həlak olub, daha beş nəfər xəsarət alıb.
18:57 15.11.2026
Oxunuş sayı: 132