İndoneziyada güclü qasırğa 500-ə yaxın binaya ziyan vurub
İndoneziyanın Yava adasının qərbində tornado ilə müşayiət olunan güclü qasırğa nəticəsində təxminən 500 bina, o cümlədən yaşayış evləri zərər görüb.
Crossmedia.az xəbər verir ki, bu barədə “Kompas” qəzeti yerli hakimiyyət orqanlarına istinadən məlumat yayıb.
Məlumata görə, 63 yaşayış evinə ciddi ziyan dəyib. Təbii fəlakət bir neçə təhsil və tibb müəssisəsinə, eləcə də mağazalara da təsir edib.
Hadisə nəticəsində ölən və xəsarət alanlar barədə məlumat verilməyib.
Qərbi Yava əyalətinin bəzi ərazilərində fövqəladə vəziyyət rejimi elan olunub. Yerli hakimiyyət orqanları qasırğanın fəsadlarının aradan qaldırılması istiqamətində işləri davam etdirir.
17:54 15.11.2026
Oxunuş sayı: 129