Merts: Hibrid hücumlar cəmiyyətdə parçalanma yaratmağa yönəlib
Almaniya Kansleri Fridrix Merts hibrid hücumların artıq yalnız maddi ziyan vurmaq məqsədi daşımadığını, həm də cəmiyyətdə sabitliyi pozmağa və dövlət institutlarına inamı zəiflətməyə yönəldiyini bildirib.
Crossmedia.az bu barədə xarici KİV-istinadən xəbər verir.
Kansler qeyd edib ki, “hibrid hücumlar” ifadəsini baş verən təhlükələrin miqyasını tam əks etdirməyən yumşaldılmış termin hesab edir.
Onun sözlərinə görə, bu cür hücumlar cəmiyyətdə narahatlıq yaratmaq, dövlətin fəaliyyət qabiliyyətini şübhə altına almaq və insanlar arasında fikir ayrılıqlarını dərinləşdirmək məqsədi daşıyır.
“Bu hücumlar cəmiyyətimizdə parçalanma toxumları səpir və həmin parçalanma sonradan məqsədyönlü dezinformasiya kampaniyaları vasitəsilə daha da gücləndirilir”, – deyə Merts vurğulayıb.
Kansler hibrid təhdidlərin yalnız fiziki infrastruktura deyil, həm də ictimai etimada və sosial birliyə təsir göstərdiyini diqqətə çatdırıb.
16:55 14.11.2026
Oxunuş sayı: 175