Ermənistan Rusiya ilə əməkdaşlığı genişləndirmək istəyir
Ermənistan Rusiya ilə təhsil, elm və mədəniyyət sahələrində əməkdaşlığın inkişaf etdirilməsində maraqlıdır.
Crossmedia.az xəbər verir ki, “Sputnik Ermənistan” bu barədə məlumat yayıb.
Ermənistanın təhsil, elm, mədəniyyət və idman naziri Janna Andreasyan Rusiya-Ermənistan elmi-təhsil forumunun iştirakçılarına müraciətində iki ölkə arasında əməkdaşlığın prioritet istiqamətlərindən danışıb.
Nazir rusiyalı həmkarlarla peşəkar əlaqələrin genişləndirilməsini, birgə təhsil proqramlarının və elmi layihələrin inkişaf etdirilməsini, həmçinin akademik mübadilələrin artırılmasını əsas prioritetlər kimi göstərib.
Andreasyan bildirib ki, Ermənistan və Rusiya arasında təhsil və humanitar əlaqələrin möhkəmləndirilməsində dil və mədəniyyət sahələrində əməkdaşlıq xüsusi əhəmiyyət daşıyır.
17:37 13.11.2026
Oxunuş sayı: 138