Keçmiş MKİ rəhbəri İranla razılaşmanın üç əsas şərtini açıqlayıb
ABŞ Mərkəzi Kəşfiyyat İdarəsinin (MKİ) keçmiş direktoru və ABŞ Mərkəzi Komandanlığının sabiq rəhbəri Devid Petreus İranla müharibəyə son qoymaq üçün mümkün razılaşmanın üç əsas şərtini açıqlayıb.
Crossmedia.az xəbər verir ki, bu haqda Petreus “The Wall Street Journal” qəzetində dərc olunan məqaləsində bildirib.
Onun sözlərinə görə Tehranla əldə ediləcək razılaşma ilk növbədə Hörmüz boğazında sərbəst gəmiçiliyi təmin etməli, İranın 60 faizədək zənginləşdirilmiş uran ehtiyatının yaratdığı təhlükəni aradan qaldırmalı və ölkənin uranın zənginləşdirilməsi fəaliyyətinə icrası mümkün məhdudiyyətlər qoymalıdır.
Təqaüddə olan general xəbərdarlıq edib ki, İran neft gəlirlərini və dəniz ticarətini bərpa etməklə yanaşı, gəmiçiliyi yenidən təhdid etmək və nüvə proqramını bərpa etmək imkanını saxlayarsa, atəşkəs növbəti münaqişəyə yol aça bilər.
19:41 12.11.2026
Oxunuş sayı: 33
