Putin: Ukraynada ərazilərə nəzarət məsələsi sonsuzadək mübahisə mövzusu ola bilər
Rusiya Prezidenti Vladimir Putin Ukraynada bəzi ərazilərə faktiki nəzarətlə bağlı fikir ayrılıqlarının uzun müddət davam edə biləcəyini bildirib.
Crossmedia.az xəbər verir ki, bu barədə Putin Moskvada ABŞ Prezidentinin xüsusi elçiləri ilə görüşü zamanı bildirib.
Rusiya liderinin sözlərinə görə, Kiyev hakimiyyəti indiyədək bəzi ərazilərin Ukraynanın nəzarətində olduğunu, digər ərazilərin isə Rusiyanın nəzarətində olmadığını bəyan edib.
“İndiyədək Kiyev hakimiyyətindən eşidirik ki, müəyyən ərazilər onların nəzarətindədir, digərləri isə bizim nəzarətimizdə deyil”, – deyə Putin bildirib.
O qeyd edib ki, müasir silahların yaratdığı şəraitdə həmin ərazilərdə faktiki vəziyyəti yerində yoxlamaq çətindir.
“Bu vəziyyət sonsuzadək davam edə bilər. Çünki müasir silahların yaratdığı şəraitdə həmin ərazilərə gedib əslində nələrin baş verdiyini görmək asan deyil”, – deyə Rusiya Prezidenti vurğulayıb.
18:10 12.11.2026
Oxunuş sayı: 35
