İran qaz infrastrukturuna hücumların miqyasını açıqladı
İran Milli Qaz Şirkətinin rəhbəri Səid Təvəkkoli mart ayında ölkənin qaz emalı zavodlarına həyata keçirilən hücumlar nəticəsində İranın qaz potensialının 28 faizinin itirildiyini bildirib.
Crossmedia.az İSNA-ya istinadən xəbər verir ki, Təvəkkoli hücum zamanı cəmi üç dəqiqə ərzində qaz emalı zavodlarına 26 mərmi atıldığını deyib.
O, hadisəni dünya qaz sənayesi tarixində baş vermiş ən böyük və mürəkkəb insidentlərdən biri kimi xarakterizə edib.
Şirkət rəhbərinin sözlərinə görə, münaqişə dövründə İranın qaz infrastrukturu üzrə ümumilikdə 7924 nöqtə hədəfə alınıb. O, hücuma məruz qalan obyektlərin hamısının strateji əhəmiyyət daşıdığını vurğulayaraq, bu zərbələrin İranın məğlubiyyətinə səbəb ola biləcəyini iddia edib.
19:21 12.11.2026
Oxunuş sayı: 35
