Cənubi Afrikada qarət zamanı öldürülən Rusiya vətəndaşının səfər təfərrüatları açıqlanıb
Cənubi Afrikada qarət zamanı öldürülən Rusiya vətəndaşı Anatoli Nizovtsev həyat yoldaşı ilə birlikdə noyabrın 5-də ölkəyə gəlib.
Crossmedia.az xəbər verir ki, bu barədə Rusiyanın Pretoriyadakı səfirliyi məlumat yayıb.
Diplomatların bildirdiyinə görə, cütlük Yohannesburqa gəldikdən sonra həmin gün Krüger Milli Parkına yola düşüb. Yolüstü məcburi dayanacaq edən səyahətçilərə hücum edilib.
Səfirlikdən bildirilib ki, Anatoli Nizovtsev aldığı güllə yaralarından hadisə yerində ölüb. Onun həyat yoldaşı isə gözündən yaralanaraq xəstəxanaya yerləşdirilib. Qadına konsulluq dəstəyi göstərilir.
Hadisə Mpumalanqa əyalətindəki N4 avtomobil yolunda baş verib. Polis araşdırmaya başlayıb, hücum edənlər hələ saxlanılmayıb.
23:44 09.11.2026
Oxunuş sayı: 23
