Tramp: Sülh razılaşmasından sonra Ukrayna fərqli görünə bilər
ABŞ Prezidenti Donald Tramp Ukrayna ilə bağlı mümkün sülh razılaşmasının nəticəsində ölkənin sərhədlərinin dəyişə biləcəyini bildirib.
Crossmedia.az xəbər verir ki, Tramp razılaşmanın əldə olunacağına inandığını və bunun nəticəsində Ukraynanın ərazi baxımından indiki vəziyyətindən fərqli görünəcəyini deyib.
Sülhə gedən yolda əsas maneənin nə olduğu barədə danışan Tramp bunu Ukrayna Prezidenti Volodimir Zelenski ilə Rusiya Prezidenti Vladimir Putin arasındakı nifrətlə əlaqələndirib. O, liderlərin ilk görüşü zamanı Rusiyaya qarşı çox böyük hörmətsizliyin nümayiş etdirildiyini də vurğulayıb.
Tramp Zelenskiyə, yoxsa Putinə daha çox etibar etdiyi barədə suala konkret cavab verməyib. O, hər iki liderlə yaxşı münasibətlərinin olduğunu bildirib.
13:18 09.11.2026
Oxunuş sayı: 43
