Yəməndə zərbələr nəticəsində ölənlərin sayı 44-ə çatıb
Yəmənin paytaxtı Sənaya endirilən zərbələr nəticəsində ölənlərin sayının 44-ə, yaralananların sayının isə 40-a yüksəldiyi bildirilir.
Crossmedia.az xəbər verir ki, bu barədə husilərin nəzarətində olan “SABA” informasiya agentliyi məlumat yayıb.
Agentliyin məlumatına görə, husilərin Səhiyyə Nazirliyi Səna vilayətinin Bəni-Haşiş rayonunun Əş-Şəriyyə kəndinə Səudiyyə Ərəbistanı tərəfindən endirilən zərbələrin nəticələrini açıqlayıb.
Bildirilib ki, ölənlər arasında 21 uşaq və 10 qadın var. Yaralananlardan 8-i uşaq, 9-u isə qadındır.
Açıqlamada ərazidə axtarış-xilasetmə işlərinin davam etdiyi qeyd olunub.
Husilərin nəzarətində olan “Əl-Məsirə” telekanalının əvvəlki məlumatına görə, zərbələr kənddəki yaşayış evlərinə endirilib.
11:57 09.11.2026
Oxunuş sayı: 44
