Türkiyədə media məzmununu izləyən süni intellekt sistemi yaradılıb
Türkiyədə televiziya kanallarını, internet resurslarını və sosial şəbəkələri sutka boyu izləyəcək “Via+” adlı süni intellekt sistemi istifadəyə veriləcək.
Crossmedia.az xəbər verir ki, bu barədə “TRT Haber” məlumat yayıb.
Sistemin audio və video məzmunlarda qanunvericiliyin pozulması hallarını aşkar etmək üçün istifadə olunacağı bildirilir.
“Via+” eyni vaxtda altı peyk vasitəsilə yayımlanan 800-dən çox televiziya kanalını izləyə, eləcə də internet resurslarının demək olar ki, hamısını təhlil edə biləcək.
Sistem gündəlik 19,2 min saata qədər nitqi emal edərək 12 dilə tərcümə edə bilər. Bundan başqa, vizual pozuntuların müəyyənləşdirilməsi məqsədilə 300 milyondan çox video kadrı skan etmək imkanına malikdir.
11:24 09.11.2026
Oxunuş sayı: 40
