Paşinyan Ermənistanda 27 sentyabrda konsert yayımlanmasını müzakirə edib
Ermənistanın baş naziri Nikol Paşinyan 44 günlük müharibənin başladığı gün televiziyada konsert yayımlanmasının nə dərəcədə uyğun olduğunu müzakirə edib və ölkə tarixində çoxsaylı faciəli günlərin olduğunu bildirib.
Crossmedia.az xəbər verir ki, Nikol Paşinyan bu barədə açıqlama verib.
Paşinyan konsertin həmin gün yayımlanmasının uyğun olmadığını etiraf edib, lakin digər günlərdə yayımlanan konsertlər zamanı da onlarla insanın həlak olduğu hadisələrin baş verdiyini xatırladıb.
“Uyğunsuzluq var idimi? Əlbəttə. Amma başa düşməliyik: yayımladığımız bütün konsertlərin keçirildiyi günlərdə onlarla insanın həlak olduğu hadisələr baş verməyibmi?” – deyə baş nazir bildirib.
O, Ermənistan tarixində çoxlu faciəli tarixlərin olduğunu vurğulayaraq 8-10 ildən sonra sentyabrın 27-də konsert yayımlamağın mümkün olub-olmayacağını sual edib.
“Bilmək istəyirəm, 8 və ya 10 ildən sonra sentyabrın 27-də konsert yayımlamaq mümkün olacaqmı? Bəs digər günlərdə necə? Problem ondadır ki, tariximizdə çoxlu faciəli günlər var”, – Paşinyan qeyd edib.
18:13 01.10.2026
Oxunuş sayı: 41
