Tramp süni intellektə nəzarət üçün 10 nəfərlik komitə yarada bilər
ABŞ Prezidenti Donald Tramp süni intellekt sahəsinə nəzarət edəcək 10 nəfərlik komitənin yaradılmasını nəzərdən keçirdiyini bildirib.
Crossmedia.az xəbər verir ki, “Reuters” bu barədə məlumat yayıb.
Tramp bu açıqlamanı ABŞ-nin aparıcı texnologiya və süni intellekt şirkətlərinin rəhbərləri ilə Ağ Evdə keçirdiyi görüşdən sonra verib.
Məlumata görə, komitənin süni intellekt sahəsində təhlükəsizlik və inkişaf məsələlərinə nəzarət etməsi nəzərdə tutulur. Trampın sözlərinə görə, komitəyə 10 nəfərin daxil olması mümkündür.
Ağ Evdə keçirilən görüş zamanı “OpenAI”, “Anthropic”, “Meta”, “Google” və “Nvidia” daxil olmaqla aparıcı texnologiya şirkətlərinin nümayəndələri iştirak edib.
Görüşdən sonra Tramp və texnologiya şirkətlərinin rəhbərləri süni intellekt sistemləri üçün təhlükəsizlik tədbirlərini nəzərdə tutan könüllü razılaşma da imzalayıblar. Sənəddə şirkətlərin daxili nəzarət mexanizmləri yaratması və müstəqil auditorlarla işləməsi nəzərdə tutulur.
12:24 30.09.2026
Oxunuş sayı: 37
