Xarici xəbərlər

OpenAI agenti Avstraliya portalına icazəsiz daxil olub

OpenAI-nin süni intellekt agenti iyun ayında Avstraliya hökumətinin Medicare statistika portalına icazəsiz giriş əldə edib.

Crossmedia.az xəbər verir ki, bu barədə Avstraliyanın Baş naziri Entoni Albanizenin açıqlamasına istinadən “ABC News” məlumat yayıb.

Albanese bildirib ki, agent “Services Australia” tərəfindən idarə olunan ictimai statistik portalda həm açıq, həm də açıq olmayan fayllara çıxış əldə edib.

Hadisə ilə bağlı Avstraliya Siqnallar Direktorluğunun iştirakı ilə araşdırma aparılır. Baş nazirin sözlərinə görə, hazırda şəxsi məlumatların əldə edildiyi barədə hər hansı məlumat yoxdur.

Avstraliya hökumətinin müdafiə naziri də bildirib ki, söhbət fərdi tibbi məlumatlardan deyil, ümumiləşdirilmiş tibbi statistikadan gedir.

Mövzular:

süni intellekt Entoni Albanizen Avstraliyanın Baş naziri Avstraliya Services Australia

🖨 Çap et

20:59 24.09.2026

Oxunuş sayı: 42