Müavinət və təqaüd ödənişləri artdı
Bu ilin yanvar–iyul aylarında Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu (DSMF) 1 milyon 68 min şəxsə 1 milyard 314 milyon manat müavinət və Prezident təqaüdü ödəyib.
Crossmedia.az bu barədə Fonda istinadən məlumat verir.
Bildirilib ki, onlardan 505 min nəfərə müavinət olaraq 738 milyon manat, 405 min nəfərə Prezident təqaüdü olaraq 474 milyon manat, 158 min nəfərə sosial sığorta hesabına müavinət olaraq 102 milyon manat ödəniş həyata keçirilib.
Ödənilən vəsait ötən ilin müvafiq dövrünə nisbətən müavinətlər üzrə 13 %, təqaüdlər üzrə 14 %, sosial sığorta hesabına müavinətlər üzrə 8 % çox olub.
Bu ilin 7 ayında daha 86 min, sosial ödənişlərin elektron təyinatına başlandığı 2019-cu ildən isə 966 min müavinət və təqaüd təyinatı e-sistem üzərindən proaktiv qaydada həyata keçirilib.
15:27 18.08.2026
Oxunuş sayı: 69
