Səyahətə çıxırsınızsa, bu üsulu mütləq sınayın: adi şar çamadanınızı xilas edə bilər
Səyahət zamanı çamadana yalnız lazım olan əşyaları yerləşdirmək deyil, onların təhlükəsizliyini də təmin etmək vacibdir. Xüsusilə maye məhsulların qablaşdırmadan sızaraq digər əşyaları çirkləndirməsi turistlərin qarşılaşdığı ən yayğın problemlərdən biridir.
Crossmedia.az xəbər vrir ki, “Gazeta.pl”nin yazdığına görə, bunun qarşısını almaq üçün adi hava şarından istifadə etmək olar.
Şampun, duş geli, günəş kremi və ya digər maye məhsulların qapaqları səyahət zamanı boşala və maye çamadandakı paltarlara, dəsmallara və kosmetik vasitələrə yayıla bilər.
Sadə üsul isə şarın bir hissəsindən istifadə etməyi nəzərdə tutur. Bunun üçün şarın ağız hissəsi kənarından təxminən iki santimetr məsafədə kəsilir. Daha sonra alınan rezin hissə şüşənin qapağına və ya tıxacına keçirilməlidir.
Elastik material qapağın ətrafını sıx şəkildə sararaq əlavə təzyiq yaradır və mümkün sızmanın qarşısını almağa kömək edir.
Bu üsul müxtəlif ölçülü qablar üçün tətbiq oluna bilər. Kiçik ətir flakonları üçün daha kiçik, şampun və duş geli kimi geniş qapaqlı qablar üçün isə daha böyük şar seçmək tövsiyə olunur.
Mütəxəssislərin fikrincə, rezinin elastikliyi onun qabın qapağına möhkəm şəkildə oturmasına imkan verir və beləliklə, mayenin çamadana yayılması riskini azaldır.
03:38 18.08.2026
Oxunuş sayı: 50
