Azərbaycanda dövlət qurumlarına verilən yeni domenlərin sayı 18 % azalıb
Bu ilin yanvar-iyun aylarında Azərbaycanda dövlət qurumlarının istifadəsinə 23 yeni domen verilib.
Crossmedia.az-ın Xüsusi Rabitə və İnformasiya Təhlükəsizliyi Dövlət Xidmətinin məlumatları əsasında apardığı hesablamalara əsasən, bu, 2025-ci ilin eyni dövrü ilə müqayisədə 18 % azdır.
Hesabat dövründə dövlət qurumlarının istifadəsinə 211 yeni subdomen də verilib ki, bu da 1 il əvvələ nisbətən 62 % çoxdur.
Təkcə iyunda 2 yeni domen və 28 subdomen istifadəyə verilib ki, bu da ötən ilin eyni dövrünün göstəricilərindən müvafiq olaraq 60 % azdır və 4 % çoxdur.
2025-ci ildə dövlət qurumları 65 yeni domen və 285 yeni subdomen alıb.
17:23 03.07.2026
Oxunuş sayı: 47
