İqtisadiyyat
İnformasiya və rabitə sektorundan 3,2 milyard manat gəlir əldə edilib
Azərbaycanda bu ilin yanvar-noyabr aylarında informasiya və rabitə sahəsində fəaliyyət göstərən müəssisələr tərəfindən göstərilmiş xidmətlərin dəyəri 3 milyard 188,7 milyon manat təşkil edib ki, onun da 71,9 faizi əhali tərəfindən istehlak olunub.
Bu barədə Crossmedia.az Dövlət Statistika Komitəsinə istinadən xəbər verir.
Məlumata görə, bu, əvvəlki ilin müvafiq dövrü ilə müqayisədə 12,5 faiz çoxdur.
Qeyd olunub ki, xidmətlərdən əldə edilən gəlirin 35,3 faizi və ya 1 milyard 125,9 milyon manatı mobil telefon rabitəsi sahəsində formalaşıb.
16:41 17.12.2024
Oxunuş sayı: 4278
