Azərbaycanla Oman iqtisadi əməkdaşlıq imkanlarını genişləndirir
Dekabrın 9-da Azərbaycan Respublikasının Oman Sultanlığındakı səfiri Rəşad İsmayılov ölkənin iqtisadiyyat naziri Səid bin Muhamməd bin Ahmed əl-Saqri ilə görüşüb.
Crossmedia.az səfirliyə istinadla xəbər verir ki, görüşdə iki ölkə arasında siyasi əlaqələrin yüksək səviyyədə olduğu və uğurla inkişaf etdiyi vurğulanıb, iqtisadi əməkdaşlıq imkanlarının daha da genişləndirilməsi ilə bağlı fikir mübadiləsi aparılıb.
Görüş zamanı səfir R.İsmayılov iki ölkə arasında iqtisadi əməkdaşlığın dərinləşdirilməsi, eləcə də tərəfdaşlıq əlaqələrimizin ruhuna uyğun olaraq, Azərbaycan Respublikası ilə Oman Sultanlığı arasında birgə işçi qrupunun yaradılmasının əhəmiyyətini qeyd edib. Eyni zamanda, investisiya imkanlarının müəyyən edilməsi, ticarət dövriyyəsinin artırılması, biznes və özəl sektor sahələrində əlaqələrin genişləndirilməsinin zəruriliyi vurğulanıb.
09:39 10.12.2024
Oxunuş sayı: 4760
