Azərbaycanda bu sayda əmək müqaviləsi bağlanıb
Azərbaycanda bağlanmış əmək müqavilələrinin sayı 2024-cü ilin dekabr ayının 1-nə 1.884.109 olub.
Crossmedia.az bu barədə İqtisadiyyat Nazirliyi yanında Dövlət Vergi Xidmətinə istinadən xəbər verir.
“Təşviq əsaslı vergi siyasəti əmək bazarına müsbət təsir göstərməkdə davam edir. İqtisadiyyat Nazirliyi yanında Dövlət Vergi Xidməti tərəfindən iş yerlərinin rəsmiləşdirilməsi, əmək haqqı fondunun “ağardılması” və şəffaflılığın təmin edilməsi istiqamətində həyata keçirilən tədbirlər nəticəsində bağlanmış əmək müqavilələrinin sayı 2019-cu ilin əvvəli ilə müqayisədə 482.194 vahid artıb və 2024-cü ilin dekabr ayının 1-nə 1.884.109 olub.
Qeyri-neft sektorunun özəl bölməsində isə həmin göstərici 450.212 vahid artaraq 990.134 təşkil edib”, - deyə məlumatda qeyd olunub.
11:05 09.12.2024
Oxunuş sayı: 19227
