"İOS 18.2" yeniləməsi nə vaxt yayımlanacaq?
Böyük Britaniyada yerləşən telekommunikasiya şirkəti "EE" təsadüfən "iOS 18.2" yeniləməsinin buraxılış tarixini paylaşmış ola bilər.
Crossmedia.az xəbər verir ki, Mark Qurman "İOS 18.2"nin dekabrın 2-də çıxacağını iddia edirdi. Lakin dekabrın 5-də bu proqnozun özünü doğrultmayıb. Ən son məlumatlarda bu yeniləmə üçün yeni bir tarix göstərir.
Böyük Britaniyada yerləşən telekommunikasiya şirkəti "EE" istifadəçilərinə göndərdiyi bildirişdə "MacBook" və "İPad"lərdə Wi-Fi zəng funksiyasının dekabrın 9-da dayandırılacağını vurğulayıb. Məlum olduğu kimi, bu funksiya istifadəçilərə iPhone yaxınlıqda olmasa belə, "iPad" və "Mac" kimi cihazlarda Wi-Fi zəngləri etmək imkanı verir.
Hesabatlarda deyilir ki, əksər telekommunikasiya şirkətləri "iOS" ilə eyni vaxtda yuxarıdakı kimi operator parametrləri yeniləmələrini yayır. Beləliklə, "EE" istəmədən "iOS 18.2"nin dekabrın 9-da istifadəyə veriləcəyini açıqlamış ola bilər.
Unutmaq olmaz ki, bunlar sadəcə iddialardır və şirkətdən açıqlama gözləmək daha yaxşı olardı. Çünki sızmaları adətən dəqiq olan Mark Qurmanın belə proqnozu bu yeniləmə üçün özünü doğrultmadı.
Tərlan Əmrahova
09:13 06.12.2024
Oxunuş sayı: 4909
