ABŞ təzyiqi Rusiyanın neft hasilatını azaldır
ABŞ-nin artan təzyiqi fonunda Rusiyanın neft hasilatında azalma qeydə alınır.
Crossmedia.az xəbər verir ki, bu barədə "Bloomberg" nəşri məlumat yayıb.
Məlumata görə, 2026-cı ilin yanvar ayında Rusiya gündəlik təxminən 9,28 milyon barel neft hasil edib ki, bu göstərici həm OPEC+ üzrə müəyyən edilmiş kvotadan, həm də 2025-ci ilin dekabr ayındakı səviyyədən aşağıdır.
Nəşr yazır ki, hasilatın azalmasının əsas səbəbləri ABŞ tərəfindən tətbiq edilən sanksiyalar və neft daşımalarında istifadə olunan tankerlərlə bağlı problemlərdir. Bildirilir ki, sanksiyalar fonunda Rusiyanın ixrac imkanları daralır və bu da ümumi hasilata birbaşa təsir göstərir.
Analitiklərin fikrincə, mövcud tendensiya davam edərsə, yaxın aylarda Rusiyanın neft sektorunda əlavə çətinliklərin yaranması istisna edilmir.
11:23 10.02.2026
Oxunuş sayı: 428
