Tramp: İran razılaşmaya can atır
ABŞ Prezidenti Donald Tramp İranla aparılan danışıqlarla bağlı açıqlama verib.
Crossmedia.az bu barədə xarici mediaya istinadən xəbər verir.
O, jurnalistlərə Air Force One təyyarəsində müsahibəsi zamanı bildirib ki, hazırda İranla “çox yaxşı danışıqlar” gedir və Tehranın razılığa gəlməyə ciddi maraq göstərdiyi açıq şəkildə hiss olunur.
Trampın sözlərinə görə, danışıqların konkret olaraq hansı mərhələdə olduğunu hələlik dəqiqliklə qiymətləndirmək lazımdır. Bununla belə, ABŞ prezidentinin fikrincə, İran tərəfi hazırda anlaşmaya əvvəlki dövrlərlə müqayisədə daha çox can atır.
ABŞ lideri əvvəlki danışıqlar prosesinə də toxunaraq qeyd edib ki, İran daha öncə razılaşmadan imtina etmək qərarı vermişdi. Lakin Tramp bildirib ki, son dövrlərdə vəziyyət dəyişib və Tehran indi fərqli mövqe sərgiləyir.
Eyni zamanda Tramp ABŞ-yə məxsus böyük hərbi donanmanın regiona doğru hərəkət etdiyini xatırladaraq, Vaşinqtonun bölgədəki prosesləri yaxından izlədiyini vurğulayıb.
11:06 07.02.2026
Oxunuş sayı: 548
