Türkiyə iqtisadiyyatı reanimasiyadan çıxa bilmir: Rəqəmlər açıqlandı
Türkiyə qtisadiyyatında ticarət həcmi artmağa davam edir, lakin göstəricilər hələ də həssas tarazlıqların mövcud olduğunu göstərir. Dekabr 2025-də ixracat 26,37 milyard, idxalat isə 35,67 milyard dollar olub, 2025-ci ilin ümumi ixracatı 273,36 milyard, idxalatı 365,37 milyard dollar təşkil edib.
Crossmedia.az xəbər verir ki, bu barədə "Haber Global" məlumat verib.
Məlumata görə, ən çox ixrac edilən ölkələr Almaniya, Böyük Britaniya, ABŞ, İraq və Fransadır, idxalın lideri isə Çindir.
Bundan əlavə, turizm gəlirləri də artmaqda davam edir: ilin dördüncü rübündə 15,15 milyard dollar olub, 2025-ci ilin ümumi turizm gəliri 65,23 milyard dollara çatıb. İqtisadi etibar indeksi yanvar 2026-da 99,4 səviyyəsində qalaraq temkinli “gözlə-gör” havasını göstərir, xidmət və tikinti sektoru bir az toparlansa da, reallıq sektoru və pərakəndə ticarət zəifdir. Dekabr ayında xidmət istehsalçı qiymətləri illik 35,11% artıb, xüsusilə nəqliyyat, yerləşmə, qida, informasiya və daşınmaz əmlak sahələrində qiymət təzyiqləri yüksəkdir.
Maliyyə və marketinq mütəxəssisi Gülsev Duran bildirir ki, xarici ticarət açığının 9,3 milyard dollara yüksəlməsi struktur təzyiqlərin davam etdiyini, iqtisadi etibar indeksinin isə temkinli “gözlə-gör” mövqeyini göstərdiyini ortaya qoyur.
17:24 06.02.2026
Oxunuş sayı: 389
