Ərdoğan: ABŞ–İran gərginliyi diplomatiya yolu ilə həll olunmalıdır
Türkiyə prezidenti Rəcəb Tayyib Ərdoğan ABŞ ilə İran arasında artan gərginliyin hərbi müdaxilə ilə deyil, diplomatik yollarla nizamlanmalı olduğunu bildirib.
Crossmedia.az xəbər verir ki, məlumat "ISNA" agentliyinə istinadən yayılıb.
Ərdoğan Misirdən qayıdarkən jurnalistlərə açıqlamasında qeyd edib ki, Türkiyə regionun yeni bir münaqişəyə sürüklənməsinin qarşısını almaq məqsədilə ABŞ və İran arasında gərginliyin azaldılması istiqamətində fəal diplomatik səylər göstərir.
Türkiyə lideri vurğulayıb ki, Ankara ABŞ-nin İrana qarşı mümkün hərbi müdaxiləsinə qəti şəkildə qarşıdır və bu mövqeyini həm amerikalı, həm də iranlı rəsmilərə açıq şəkildə çatdırıb.
Ərdoğanın sözlərinə görə, hazırda həm ABŞ, həm də İran diplomatik kanalların açıq saxlanmasında maraqlıdır. O hesab edir ki, aşağı səviyyəli təmaslarda əldə olunan irəliləyişlərdən sonra liderlər səviyyəsində danışıqların keçirilməsi daha konstruktiv nəticələr verə bilər.
17:05 05.02.2026
Oxunuş sayı: 481
