ABŞ İranla danışıqlar üçün şərti açıqlayıb
Tehran məsləhətləşmələrin ilkin formatına qayıtmağa razı olarsa, ABŞ bu həftənin əvvəlində İranla danışıqlar aparmağa hazırdır.
Crossmedia.az "Axios"-a istinadən xəbər verir.
Portalın iddiasına görə, ABŞ və İran arasında Tehranın nüvə proqramı ilə bağlı bu cümə günü keçirilməsi planlaşdırılan danışıqlar tərəflərin format barədə razılığa gələ bilməməsi səbəbindən ləğv edilib.
İlkin razılaşma məsləhətləşmələrin Yaxın Şərq ölkələrinin müşahidəçi qismində iştirakı ilə İstanbulda keçirilməsi idi. Lakin sonradan danışıqların Omana köçürüləcəyi, ikitərəfli olacağı və nüvə proqramına yönələcəyi bildirildi.
Çərşənbə günü ABŞ İranın danışıqların formatını dəyişdirmək təklifini rədd etmək qərarına gəlib.
Lakin mənbə bildirib ki, əgər İran ilkin formata qayıtmağa razı olarsa, ABŞ bu həftə və ya gələn həftə məsləhətləşmələr aparmağa hazırdır.
23:57 04.02.2026
Oxunuş sayı: 475
