Dünyanın ən təsirli maliyyə mütəxəssisi kim seçildi?
Global Finance dərgisi Rusiya Mərkəzi Bankının sədri Elvira Nabiulinanı üçüncü dəfə dünyanın ən təsirli maliyyə mütəxəssisi seçib.
Crossmedia.az bu barədə xarici mediaya istinadən xəbər verir.
Dərginin hesabatında qeyd olunur ki, Nabiulina son dörd il ərzində Rusiya iqtisadiyyatının idarə olunmasında, makroiqtisadi sabitliyin qorunmasında və sanksiya təzyiqləri fonunda mümkün çöküşün qarşısının alınmasında mühüm rol oynayıb.
Məlumata görə, Rusiya Mərkəzi Bankının rəhbəri olan Elvira Nabiulina ölkə daxilində hakimiyyəti açıq tənqid edə bilən, qərarlarında nisbətən müstəqil hərəkət edən və Rusiya prezidenti Vladimir Putinin etimad göstərdiyi azsaylı yüksək vəzifəli bürokratlardan biri kimi qiymətləndirilir.
Hesabatda onun çətin beynəlxalq şəraitdə maliyyə sisteminin dayanıqlığını qorumaq istiqamətində atdığı addımlar xüsusi vurğulanır.
13:30 04.02.2026
Oxunuş sayı: 730
