Xarici xəbərlər
Tramp: İranla birbaşa danışırıq, nəticəni gözləyirik
ABŞ Prezidenti Donald Tramp Vaşinqtonun hazırda İranla birbaşa danışıqlar apardığını açıqlayıb.
Crossmedia.az bu barədə xarici mediaya istinadən xəbər verir.
Tramp bildirib ki, ABŞ İran tərəfinin konkret addımlar atıb-atmayacağını diqqətlə izləyir. Onun sözlərinə görə, Tehran müəyyən razılaşmalara getmək niyyətindədir, lakin Vaşinqton bunun real nəticə verib-verməyəcəyini qiymətləndirir.
“İranlılar nəsə etmək istəyirlər və biz də görməliyik ki, həqiqətən nəsə edilib-edilməyib”, – deyə ABŞ prezidenti vurğulayıb.
Donald Tramp əlavə edib ki, əvvəllər də İranın razılaşma üçün imkanları olub, lakin bu fürsətlər reallaşmayıb. Nəticədə ABŞ “Gecəyarısı Çəkic” adlandırılan əməliyyatı həyata keçirib. Prezident əməliyyatın detalları barədə açıqlama verməsə də, bunun Tehrana ciddi mesaj olduğunu qeyd edib.
Trampın fikrincə, İran belə bir ssenarinin yenidən təkrarlanmasını istəmir və məhz bu səbəbdən hazırkı danışıqlara maraq göstərir.
11:46 04.02.2026
Oxunuş sayı: 563
