Yeni təhlükə siqnalı: İran nüvə obyektlərini gizlədir
İran İsfahan bölgəsində yerləşən nüvə obyektlərində yeraltı tunellərin təhlükəsizliyini artırmaq məqsədilə genişmiqyaslı möhkəmləndirmə işləri aparır.
Crossmedia.az xəbər verir ki, bu barədə "Associated Press" agentliyi məlumat yayıb.
Məlumata əsasən, obyektin mərkəzi girişi tamamilə möhürlənib, cənub girişi isə 408 kiloqram yüksək dərəcədə zənginləşdirilmiş uranı “silah dərəcəsinə yaxın” səviyyədə qorumaq üçün əlavə torpaq qatı ilə möhkəmləndirilib.
Bildirilir ki, mühəndislər 2025-ci ilin iyun ayında baş vermiş və 12 gün davam edən münaqişədən zərər görməyən, dərinliyi 100 metrdən artıq olan tunellərin bərpası və gücləndirilməsi üçün ultra yüksək möhkəmlikli betondan (UHPC) istifadə edirlər.
Eyni zamanda, sentrifuqalar üçün nəzərdə tutulan yerüstü konstruksiyaların yenidən aktivləşdirildiyi qeyd olunur.
AP-nin məlumatına görə, Nətənz yaxınlığında yerləşən və “Kuh Koləng” kimi tanınan nüvə obyektində də gizli genişləndirmə işləri davam edir. Həmin obyektin Fordo nüvə obyektindən daha dərin və daha böyük olduğu bildirilir.
09:18 31.01.2026
Oxunuş sayı: 394
