Moskva xəbərdarlıq edir: ABŞ–İran toqquşması hələ də gündəmdədir
ABŞ-nin İrana qarşı hərbi hücum ehtimalı istisna deyil.
Crossmedia.az xəbər verir ki, bu barədə Rusiyanın BMT-dəki daimi nümayəndəsi Vasili Nebenzya bildirib.
O bildirib ki, belə bir ssenari hələ də masa üzərində qalır və Tehran buna əvvəlki dövrlərlə müqayisədə daha hazırlıqlıdır.
Nebenzya qeyd edib ki, İran mümkün qarşıdurmaya 2025-ci ilin iyun ayı ilə müqayisədə daha ciddi şəkildə hazırlaşıb.
Onun sözlərinə görə, ABŞ prezidenti Donald Trampın İrana qarşı ritorikası ölkə daxilində baş verən etirazlardan sonra müəyyən qədər yumşalsa da, regiondakı ümumi vəziyyət narahatedici olaraq qalır.
Rusiya rəsmisi vurğulayıb ki, Yaxın Şərqdə gərginliyin tam aradan qalxdığını demək üçün əsas yoxdur . ABŞ–İran xəttində hərbi eskalasiya riski hələ də mövcuddur.
18:46 30.01.2026
Oxunuş sayı: 477
