Bu ölkədə neft artıq əvvəlki təsir gücünə malik deyil
Suriyanın ən böyük və məhsuldar neft yataqlarından biri olan Rumeylan hazırda Suriya Demokratik Qüvvələrinin (SDF) nəzarəti altındadır.
Crossmedia.az bu barədə xarici mediaya istinadən xəbər verir.
Bu ərazidən çıxarılan ağır və turş xam neft əsasən Homs və Hələb sənaye zonalarında istifadə olunur.
Məlumata görə, Rumeylandan hasil edilən xam neft ilkin emaldan sonra Əl-Ömər bölgəsində məişət istifadəsi üçün daha uyğun məhsullara çevrilir. Lakin analitiklər bildirir ki, bu sxem artıq real təsir gücünü itirib.
Ekspertlərin fikrincə, proses iki əsas səbəbə görə əhəmiyyətsiz hala gəlib. Birincisi, kürd qüvvələri Dəməşq, Homs və Hələb kimi əsas şəhərlərdə yanacaq qiymətlərinə təsir göstərə bilmir. İkincisi isə Banyas və Homs istiqamətində uzanan logistika şəbəkəsinin artıq sünni ərəb qruplarının nəzarətinə keçməsidir.
Qeyd olunur ki, SDF ərazi nəzarətini genişləndirə bilmədiyi təqdirdə nə Süveydiyyə təbii qazı, nə də Rumeylanın ağır nefti strateji və iqtisadi baxımdan real fayda verəcək. Analitiklər hesab edir ki, kürd qüvvələrinin ərəb bölgələrinə doğru genişlənməsi də demoqrafik baza çatışmazlığı səbəbindən çətin görünür.
“Demoqrafik reallıqlar regionda hərbi və iqtisadi balansı müəyyən edən əsas amildir”, – deyə KİV vurğulayır.
13:49 29.01.2026
Oxunuş sayı: 294
