Ağ Ev təkzib etdi: Ukraynaya təzyiq iddiaları yalandır
ABŞ Vaşinqtonun Ukrayna üçün təhlükəsizlik zəmanətlərini Kiyevin ərazi güzəştlərinə razılığından asılı qoyduğu barədə yayılan iddiaları rədd edib.
Crossmedia.az xəbər verir ki, bu barədə “The Financial Times” qəzetinə açıqlamasında Ağ Evin sözçü müavini Anna Kelli bildirib ki, bu məlumatlar həqiqətə uyğun deyil.
“Bu, qətiyyən doğru deyil. ABŞ-nin sülh prosesində yeganə rolu iki tərəfi razılığa gəlmək üçün bir araya gətirməkdir”, – deyə Kelli vurğulayıb.
Açıqlamada qeyd olunur ki, Vaşinqtonun mövqeyi dəyişməz olaraq qalır və ABŞ özünü tərəflər arasında vasitəçi kimi görür. ABŞ administrasiyası Ukrayna ilə bağlı təhlükəsizlik məsələlərinin mümkün sülh danışıqlarının ümumi kontekstində qiymətləndirildiyini, lakin bunun ərazi güzəştləri ilə şərtləndirilmədiyini diqqətə çatdırıb.
13:53 27.01.2026
Oxunuş sayı: 481
