Şiə siyasətçi Müqtəda əs-Sədrin liderlik etdiyi Sairiun hərəkatı (Sədr hərəkatı) Nuri əl-Malikinin yenidən baş nazir postuna namizəd olmasına açıq şəkildə etiraz edir.
Crossmedia.az bu barədə İraq mediasına istinadən xəbər verir.
Məlumatda qeyd olunur ki, Sədr hərəkatı xarici təsirlərdən, xüsusilə İrandan uzaq, daha çox İraq milliyətçiliyinə əsaslanan siyasi xətti müdafiə edir. Hərəkat dini baxımdan Qum şiə məktəbindən daha çox Nəcəf dini ənənəsinə yaxın mövqe tutur.
İraq KİV-lərinin yazdığına görə, Sədr hərəkatı Suriyada keçmiş HTŞ-nin (Heyət Təhrir əş-Şam) güclənməsini regional təhlükə kimi dəyərləndirsə də, eyni zamanda İranın İraqdakı artan siyasi və təhlükəsizlik təsirinə də qarşı çıxır.
Analitiklər bildirirlər ki, bu mövqe İraq daxilində şiə siyasi düşərgəsində parçalanmanı daha da dərinləşdirir və yeni hökumətin formalaşdırılması prosesini çətinləşdirə bilər.
